کوردی 
English
زانكۆی سۆران ده‌یهه‌وێ له بواری لێكۆڵینه‌وه‌ی زانستیدا، ببێته ناوه‌ندێكی دیار و باوه‌ڕپێكراو. بۆ ئه‌م مه‌به‌سته‌ش هانی توێژه‌رانی خۆی ده‌دات، كه له‌م بواره‌دا چالاك بن. بۆ گه‌یشتن به‌م مه‌به‌سته‌ش زانكۆ خۆی به ده‌روه‌ست ده‌زانێ كه هاوكاری پێویست پێشكه‌ش به توێژه‌رانی زانكۆ بكات، تا بتوانن به كه‌مترین به‌ربه‌ست و رێگر، توێژینه‌وه‌كانیان به‌رهه‌م بێنن. زانكۆی سۆران له‌مباره‌وه رووی:
ــ دابین کردنی داتا و زانیاری، بە هاوکاری بەرێوەبەرایەتی ئامار و پڵان دانان و بەڕێوەبەراێەتی تۆماری گشتی.
ــ ڕێگە پێدان بە سوود وەرگرتن لە هه‌موو کتێبخانەکانی سەر بە زانکۆ.
ــ ڕێگە پێدان بە سوود وەرگرتن لە هه‌موو تاقیگەکانی زانکۆ و دابینكردنی كه‌ره‌سته‌ی پێویستی تاقیگه‌یی.
ــ راوێژ و یارمەتیدان لە پێشوەچوونی توێژینەوە و دابینكردنی مامۆستای سه‌په‌رشتیار
و هه‌ر پێداویستییه‌كی تر كه توێژه‌ر پێویستی بێت و له تواناو ده‌سه‌ڵاتی زانكۆدا بێت، هاوكاری توێژه‌ران ده‌كات.
زانكۆی سۆران له كۆتاییه‌كانی ساڵی 2009 به فه‌رمانی حكومه‌تی هه‌رێمی كوردستان دامه‌زرا. زانكۆی سۆران هه‌ر له سه‌ره‌تای دامه‌زرانییه‌وه، به دنیابینییه‌كی كراوه و به سه‌رنج چڕ كردنه‌وه له سه‌ر كواڵیتی زانست و په‌ره‌پێدانی پێوه‌ندی نێوده‌وڵه‌تی، هه‌وڵی داوه نموونه‌یه‌كی نوێ له ئه‌زموونی دامه‌زراوه‌ی ئه‌كادیمی پێشكه‌ش بكات.